31九龙湾 (第4/4页)

定y件，我地依度都一应俱存。」

    锁匙萱感到非常新奇：「哇．．．真系大开眼界．．．」

    「不过近排唔知点解连变种蛇都咁多．．．Ga0到宜家无晒人嚟．．．连商队都唔敢嚟．．．虽则话，啲蛇唔系好Ga0到我地．．．你明啦，我地住得高又多机械人，系咪？嘢食更加唔缺乏，日日有蛇食。但系咁落去都唔系路架嘛．．．啱唔啱先？」电子民指手划脚说

    「啊咁样．．．系喎，你头先咪话你电子嘢好叻嘅？你识唔识拆炸弹呀？」流主问

    「．．．依样嘢就真系帮唔到你啦．．．你明啦，zhAYA0嘅嘢同电子嘢始终都唔多同嘅．．．zhAYA0系有化学成份架嘛．．．而且呢．．．」电子民喋喋不休地说

    「得，明白晒。」流主打断了电子民的说话

    「啊．．．系呢，咁你地呢？你地嚟九龙湾做咩？睇你地一身打扮又唔似系商队喎．．．嚟买机械人呢？见大家咁啱倾，如果你地买得多呢，我可以叫佢地b返个折头你架！就算．．．」电子民说

    「得架啦，明白架啦，多谢晒你。我地只系路过想入城休息一下啫。」流主说

    电子民继续说：「吓系呀？你地本身谂住去边架？因为呢．．．」

    「我地去紧Bitgdom。」孖根也忍不住打断电子民的说话

    「哎呀．．．咁你地唔好彩啦。」电子民说：「我地城镇东边嘅通道因为太多变种蛇所以封闭左．．．如果你地要去嗰边，我谂你地要行远路啦．．．．．．喂其实去Bitgdom做咩啫？好危险喎嗰度！虽则话．．．」

    「啲蛇喺边度嚟架？」流主打断说